ಪ್ರೇಕ್ಷಕರ ಒತ್ತಾಯಕ್ಕೆ ಮಣಿದ ಬಿಗ್ ಬಾಸ್, ಮತ್ತೆ ಬಿಗ್‌ಬಾಸ್‌ ಮನೆಗೆ ಮರಳಿದ ರಕ್ಷಿತಾ ಶೆಟ್ಟಿ

ಬೆಂಗಳೂರು 5/10/2025
ಬಿಗ್‌ಬಾಸ್ ಕನ್ನಡ ಸೀಸನ್ 12 ಆರಂಭವಾದ ದಿನದಿಂದಲೇ ಪ್ರೇಕ್ಷಕರಲ್ಲಿ ಸದ್ದು ಮಾಡುತ್ತಿದ್ದ ಸ್ಪರ್ಧೆ ಇದೀಗ ಮತ್ತಷ್ಟು ಕುತೂಹಲಕಾರಿ ತಿರುವು ಪಡೆದಿದೆ. ಗ್ರಾಂಡ್ ಓಪನಿಂಗ್ ದಿನದಂದೇ ಬಿಗ್‌ಬಾಸ್ ಮನೆಗೆ ಎಂಟ್ರಿ ಕೊಟ್ಟಿದ್ದ ರಕ್ಷಿತಾ ಶೆಟ್ಟಿ ಕೇವಲ 24 ಗಂಟೆಗಳೊಳಗೆ ಎಲಿಮಿನೇಷನ್ ಆಗಿದ್ದರಿಂದ, ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ಬಿಗ್‌ಬಾಸ್ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದರು.

ರಕ್ಷಿತಾ ಶೆಟ್ಟಿಯ ಎಲಿಮಿನೇಷನ್ ಬಳಿಕ  ಎಂಬ ಹ್ಯಾಷ್‌ಟ್ಯಾಗ್‌ಗಳು ಟ್ರೆಂಡ್ ಆಗಿದ್ದವು. ಪ್ರೇಕ್ಷಕರು ಬಿಗ್‌ಬಾಸ್‌ ವಿರುದ್ಧ ಟೀಕೆಗಳ ಮಳೆಗರೆದಿದ್ದು, “ರಕ್ಷಿತಾ ಕೇವಲ ಒಂದು ದಿನದಲ್ಲೇ ಹೇಗೆ ಹೊರಹಾಕಬಹುದು?”, “ಅವಳಿಗೆ ತನ್ನನ್ನು ತೋರಿಸಲು ಅವಕಾಶವೇ ಕೊಡಲಿಲ್ಲ” ಎಂಬ ರೀತಿಯ ಕಾಮೆಂಟ್‌ಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿವೆ.

ಅಂತೂ ಪ್ರೇಕ್ಷಕರ ಒತ್ತಾಯಕ್ಕೆ ಮಣಿದ ಬಿಗ್‌ಬಾಸ್ ತಂಡ ಇದೀಗ ರಕ್ಷಿತಾ ಶೆಟ್ಟಿಯನ್ನು ಮತ್ತೆ ಮನೆಯೊಳಗೆ ಸೇರಿಸಿಕೊಂಡಿದೆ. ಬಿಗ್‌ಬಾಸ್‌ನ ಹೊಸ ಎಪಿಸೋಡಿನಲ್ಲಿ ರಕ್ಷಿತಾ ಶೆಟ್ಟಿ ಭರ್ಜರಿ ಎಂಟ್ರಿ ನೀಡಿದ್ದು, ಮನೆ ಸದಸ್ಯರು ಆಶ್ಚರ್ಯದಿಂದ ಸ್ವಾಗತಿಸಿದರು. ಕೆಲವು ಸ್ಪರ್ಧಿಗಳು ಅವಳ ಮರಳುವಿಕೆಗೆ ಸಂತೋಷ ವ್ಯಕ್ತಪಡಿಸಿದರೆ, ಕೆಲವರು ಮತ್ತೆ ಸ್ಪರ್ಧೆ ತೀವ್ರವಾಗಲಿದೆ ಎಂದು ಪ್ರತಿಕ್ರಿಯಿಸಿದ್ದಾರೆ.

ಬಿಗ್‌ಬಾಸ್ ಮನೆಯೊಳಗೆ ರಕ್ಷಿತಾ ಶೆಟ್ಟಿ ಈ ಬಾರಿ ಹೆಚ್ಚು ಆತ್ಮವಿಶ್ವಾಸದಿಂದ ಕಾಣಿಸಿಕೊಂಡಿದ್ದು, “ಈ ಬಾರಿ ನಾನು ಯಾರಿಗೂ ಅವಕಾಶ ಕೊಡುವುದಿಲ್ಲ. ನನ್ನ ನಿಜವಾದ ಆಟವನ್ನು ಎಲ್ಲರಿಗೂ ತೋರಿಸುತ್ತೇನೆ” ಎಂದು ಹೇಳಿದ್ದಾಳೆ. ಪ್ರೇಕ್ಷಕರು ಕೂಡಾ ಈ ತಿರುವಿಗೆ ಹರ್ಷ ವ್ಯಕ್ತಪಡಿಸುತ್ತಿದ್ದಾರೆ.

ಸೋಶಿಯಲ್ ಮೀಡಿಯಾದಲ್ಲಿ ಇದೀಗ ಎಂಬ ಹ್ಯಾಷ್‌ಟ್ಯಾಗ್‌ಗಳು ಟ್ರೆಂಡಿಂಗ್‌ನಲ್ಲಿ ಮುಂದಿವೆ. ಅಭಿಮಾನಿಗಳು “ಇದು ನ್ಯಾಯದ ಗೆಲುವು”, “ಪ್ರೇಕ್ಷಕರ ಧ್ವನಿ ಬಿಗ್‌ಬಾಸ್‌ಗೂ ಕೇಳಿಸಿಕೊಂಡಿತು” ಎಂದು ಬರೆಯುತ್ತಿದ್ದಾರೆ.

ರಕ್ಷಿತಾ ಶೆಟ್ಟಿಯ ಪುನಃಪ್ರವೇಶದಿಂದ ಬಿಗ್‌ಬಾಸ್ ಮನೆಯ ಒಳಗಿನ ರಾಜಕೀಯ, ಸಂಬಂಧಗಳು ಮತ್ತು ಆಟದ ತಂತ್ರಗಳು ಹೊಸ ತಿರುವು ಪಡೆಯಲಿವೆ ಎನ್ನುವುದು ಸ್ಪಷ್ಟ. ಈಗ ಬಿಗ್‌ಬಾಸ್ ಮನೆ ಮತ್ತಷ್ಟು ರೋಚಕ ಕ್ಷಣಗಳಿಗೆ ವೇದಿಕೆಯಾಗಿದೆ.